മഹിമയ്ക്കടുത്ത ദിവ്യരഹസ്യങ്ങൾ

ബുധൻ ഞായറാഴ്ച ദിവസങ്ങളിൽ

1) നമ്മുടെ കർത്താവീശോമിശിഹാ പീഡ സഹിച്ചു മരിച്ചതിന്റെ മൂന്നാംനാൾ ജയ സന്തോഷങ്ങളോടു കൂടെ ഉയർത്തെഴുന്നെള്ളി എന്നു ധ്യാനിക്കുക.

1 സ്വ. 10 നന്മ. 1 ത്രിത്വ.

2) നമ്മുടെ കർത്താവീശോമിശിഹാ തന്റെ ഉയിർപ്പിന്റെ ശേഷം നാല്പതാം നാൾ  അൽഭുതകരമായ മഹിമയോടും ജയത്തോടും കൂടെ തന്റെ ദിവ്യമാതാവും ശിഷ്യരും കണ്ടു നിൽക്കുമ്പോൾ സ്വർഗ്ഗാരോഹണം ചെയ്തു എന്ന് ധ്യാനിക്കുക.

1 സ്വ. 10 നന്മ. 1 ത്രിത്വ.

3) നമ്മുടെ കർത്താവീശോമിശിഹാ പിതാവായ ദൈവത്തിന്റെ വലതുഭാഗത്തു എഴുന്നള്ളി ഇരിക്കുമ്പോൾ സെഹിയോൻ ഊട്ടു ശാലയിൽ ധ്യാനിച്ചിരുന്ന കന്യകാമാതാവിന്റെ മേലും ശ്ലീഹന്മാരുടെ മേലും പരിശുദ്ധാത്മാവിനെ അയച്ചു എന്ന് ധ്യാനിക്കുക.

1 സ്വ. 10 നന്മ. 1 ത്രിത്വ.

4) നമ്മുടെ കർത്താവീശോമിശിഹാ ഉയിർത്തെഴുന്നള്ളി കുറേക്കാലം കഴിഞ്ഞപ്പോൾ കന്യകാമാതാവ് ഈ ലോകത്തിൽ നിന്ന് മാലാഖമാരാൽ സ്വർഗ്ഗത്തിലേക്കു കരേറ്റപ്പെട്ടു എന്ന് ധ്യാനിക്കുക.

1 സ്വ. 10 നന്മ. 1 ത്രിത്വ.

5) പരിശുദ്ധ ദൈവമാതാവ് പരലോകത്തിൽ കരേറിയ ഉടനെ തന്നെ തന്റെ ദിവ്യ കുമാരനാൽ സ്വർഗത്തിന്റെയും ഭൂമിയുടെയും രാജ്ഞിയായി മുടി ധരിക്കപ്പെട്ടു എന്ന് ധ്യാനിക്കുക.

1 സ്വ. 10 നന്മ. 1 ത്രിത്വ.